Shënoi tre gola/ Barcelona A mahnitet nga Manaj, do ja japë sërish shansin

Faqja zyrtare e Barcelonës po vazhdon që të shpërndajë performancën e Rei Manajt në faqen zyrtare dhe njëkohësisht golat e shënuar nga sulmuesi shqiptar. Duke i vendosur “kapelen magjike”, ky është promovimi më i mirë që mund të merrte futbollisti i Kombëtares për lëvizjen e radhës në merkato.

Ndërkohë është mësuar edhe miqësorja më e afërt që do të ketë Barcelona. Katalanasit do të ndeshen pas dy ditësh me Gironan, ku pritet që të ketë sërish hapësirë për Manajn. Pas tre golave të realizuara me Gimnastica, Rei ka mundësinë që të shpalosi sërish aftësitë e tij dhe të rrisë kreditet.